Jake Ejercito blasts influencer filming Ellie without his consent

Jake Ejercito, Crist Briand

Jake Ejercito (left) is now considering legal action against influencer Crist Briand (in yellow shirt) for filming his 13-year-old daughter Ellie without consent.
PHOTO/S: Jake Ejercito on Facebook

Kinastigo ni Jake Ejercito, 35, ang isang content creator dahil sa pagvi-video nito nang walang paalam sa anak ng aktor na si Ellie Ejercito, 13.

Ito ang nilalaman ng mga sunud-sunod na posts ng Kapamilya actor laban sa influencer na si Crist Briand.

“This ‘influencer’ filmed Ellie without her consent. She did not want to be in his video—let alone be posted by him.

“Clout-chasing should never come at the cost of someone’s privacy, especially a minor’s,” post ni Jake nitong Biyernes, May 30, 2025.

Pahabol ni Jake, “Please report this reel.”

Jake Ejercito FB post 1

ADVERTISEMENT – CONTINUE READING BELOW ↓

Sa kanyang IG Story, iginiit ni Jake na dapat alam ng mga “influencers” ang kanilang limitasyon dahil may mga pagkakataong lumalampas na raw sila sa boundaries.

Bahagi ng post ni Jake, “’Influencers’ need to recognize their boundaries. Creating content for clicks and views should never come at the cost of someone else’s privacy.”

Giit pa niya: “Take it down immediately.”

Jake Ejercito IG Story

JAKE EJERCITO CONSIDERING LEGAL STEPS VS INFLUENCER

Nagkalat na sa social media ang screenshots mula sa video ng influencer kay Ellie.

Sa isang screenshot, makikitang tinatakpan ni Ellie ang kanyang mukha habang kinukunan siya ng video ni Briand.

Hindi na makita ang original video reel ni Briand dahil tinanggal na niya ito.

Ito ang sumunod na nilalaman ng post ni Jake, isang oras matapos gawin ang unang post.

Binanggit ni Jake na ikinukunsidera pa rin niya ang “legal options” laban sa content creator.

Ang published-as-is post ni Jake, “Crist Briand has deleted the video

“Please continue reporting the page of this irresponsible clout chaser who ambushed a 13-year-old girl for views.

“I’m now in the process of exploring legal options.”

Jake Ejercito FB post

ADVERTISEMENT – CONTINUE READING BELOW ↓

Hindi naman ito ang unang beses na na-call out si Briand dahil sa kanyang content.

Noong February 2025, pinag-usapan ang kanyang post na nagpapakitang inihian niya ang poster ni Apollo Quiboloy, ang kontrobersiyal na lider ng Kingdom of Jesus Christ group.

Kasunod ng pag-viral ng influencer, naglabas siya ng video na humihingi ng paumanhin sa kanyang ginawa.